Ford v Ferrari

Now that’s what i call “ A perfect ending for a perfect piece” كل شيء خيالي. من البداية للنهاية.من بداية السباق الصغير والهوشة بين شيلبي ومايلز. لأنه ضرب الزجاج. لأن شيلبي ذكي وحنّط المفك. لكل شيء ثم إلى غدرة بيبي البزر بسباق لي مايلز الأول و اللي كلّفهم خسارة السباق لأن محد يسوق زي كين.إلى صدمة هنري فورد وصفعته لبيبي يوم جدد الثقة في شيلبي.إلى الغدرة الثانية وتعيين بيبي المسؤول عن السباقات؟!!!!! إلى رهااااان شيلبي على الخطة. أفضللل لقطات الفلم بلا منازع. لقطة تخلّيك تنقز من الفرحة وشعور الإنتصار بالإنتقام.انك تحشر نائب مدير الشركة والمسؤول عن السباقات وتقفّل الباب عليه. ثم تاخذ برئيس الشركة فرّة و تخليه يدرك حجم و مسؤولية الموضوع؟ يخربيتك ياشيلبي. ثم السباق التاريخي ومخاطرة كين بكلللل المخاطرات. لين فكرة الملعون بيبي انهم يوصلون عشان اللقطة؟؟ ياخي الأمريكان ملاعين. كان يعرف الكلب ان وصولهم مع بعض يعني بيفوز مكلارين حتّى لو كين وصل قبله. لقطة انه هدّى و تناااااازل عن كل شيء. عشان شيل وعشان التيم كله لأن يدرك وش ممكن يسوي بيبي الغبي. كسر الرقم القياسي في أول دورة، إكتفى؟ لا، كسر رقمه القياسي ٣ مرات هو. هو يحمل ال٤ أرقام قياسية. أقصى أقوى سيارة بالسباق بحنكته و تسبب بعجرفه سائق فيراري و خروجه من السباق. فلم تاريخي، مايتكلم عن السيارات فقط، عن العقلية والشغف والإرادة والحقد والعدائية و التنافسية.رفض فيراري بالبداية شرارة إنطلاقة فورد بFull Power في عالم السباقات، شيك مفتوووح.السباق الحقيقي بالفلم ماكان في الحلبة، ولا بين فيراري وفورد. كان بين رغبة كين وشيلبي بالفوز بالسباق وتطوير السيارة ، وبين رغبة بيبي بتدمير مشروعهم. ليش؟ لأن كين بالبداية دعس على غاربه هو وعجرفته. رغم ذلك، الفلم يبيّن ولو بالقليل مبررات كره العالم لأمريكا في جميع المنافسات. شيلبي وهو يسرق الساعة، أو يرمي البرغي ويسبب بتوتّرهم. أو تغيير الفرامل وإستغلال مابين السطور في القوانين حتّى وإن كانت إستحداث في العرف. نهايةً بفكرة أنك تفوز بمجدك الخاص، بقيادتك لسيارتك من صنعك. إلى التضحية ورفع سمعة الشركة بصورة جميلة..اللي للأسف كان نتاجها خسارة المسابقة بسبب قانون صغير غبي. فلم متكامل صراحة.